第29届香港电影金像奖黄子华说的什么，求高人指点 我很想知道``````

子华：喂喂，俾多D，俾多D，好唔惯。你地中意边个明星啊，嗌来听下。有冇啊？我梗系啦，中意刘青云既，嗌来听下，刘青云佢就自己嗌下。系咪？开Party黎噶吗，我地好安静，好安静。我地应该好热血沸腾。你有冇睇《岁月神偷》头先果个片段？李治廷跑跑下步流鼻血，点解啊？因为佢念起佢阿妈啊。

你睇下现场既吴君如，君如，你除左件衫，我见你头先唔系咁样既。那，果D唔系低胸，系高裤，OK？但系我身为陈可辛既朋友，阿嫂，所以有时，好难做，都唔知望唔望你好，真系。

各位，我今天颁既然呢个奖系叫做“最佳编剧奖”，编剧，其实亦都系非常难做。好多时最难就系为套电影起名。今次，我地呢届，有电影起既名我觉得系好出色既，第一，你念下《窃听风云》，我做左咁多年人都系讲偷听，原来，唔系偷听，系窃听。偷听系衰既，窃听是合法既。

《窃听风云》之后，尔冬升好成功啊，大家都好成功，将来就会开窃睇风云啦，同埋男士最中意既窃食风云。呢个系改变香港文化既，从此之后，女人就会同你讲，“我睇到你老公窃食啊”，“你点睇到既？”“我窃睇咯。”

另外有一套片都好犀利，我觉得起名，大家你念下，你唔念过你唔知有几困难——《十月围城》。原本呢套戏既戏名系叫做《围城》，钱钟书。城里面既人想出来，城外面既人想入去，入面既出唔到黎，出面既入唔到去。太文艺啦，唔够甄子丹啦。所以呢，改个名，几多月围城，有动感，几多月好呢？念死你，三月？三月围城，湿湿立立咁。四月？太想攞奖了挂，四月围城，攞金像奖啊，五月？太政治了，五月有选举啊。六月，又系好敏感既时间，七月又是很敏感既政治时间。你念下，几多月啊？十二月啊？圣诞节稳阵啦，保护圣诞老人啊？卒之卑佢地念到。立秋之际，《十月围城》！哇，真系，真系谢霆锋得来好黎明，黎明得来好张学友，张学友得来好梁家辉，梁家辉得来好甄子丹，呢套戏多人多到可以拍《七十二家房客》啦，真系。

你又念下另外一套戏，有D戏系要好讲勇气既，起个名。《新宿事件》，《新宿事件》呢个名几大胆。原本呢套戏有个原名叫做“中国人不敢面对既中国人做过既好残酷和无奈的事”，另外又起过一个名，叫做“有冇搞错，成龙大哥劈友涡”，或者就叫做“古惑仔之成龙”，那，票房一定好收得。但佢地唔要。甘佢地要咩？《新宿事件》，乜事件啊？新宿。新宿乜事件啊？食面啊？买衫啊？你套戏够质素，你唔需要改个好特别既名，《新宿事件》，够了。有勇气，有自信。

另外一套我觉得最值得讲既，天水围，隔离，系咪天水围，睇下先，《天水围的夜与雾》。你念下，宜家全香港最多人买得起楼既地方就是天水围。特首叫大家，你买唔起噶啦，呢度，你买远D呀，远系边？咪讲紧天水围咯。

但系竟然有一个叫许鞍华既地产公司，系果度起左一层楼，叫天水围既夜与雾，令大家知道，你起楼唔一定要君临乜，名乜至乜，先至有法国味既。天水围既夜与雾，几咁巴黎啊。

基本上你有够胆系香港改一个名叫做天水围的乜乜，我觉得系应该有奖攞，或者佐敦道的乜乜，总之改个香港既名都应该有奖攞的。起名系好困难，但系写剧本就系更加困难。

亚视真系好好，任我讲既，仲可以讲几耐？好唔公平啊，大家，唔好再讲无线，讲下亚视，因为佢如果年年任我地讲，对亚视来讲，唔系一件好事来既。死啦，我又讲太多。讲返，写剧本是好困难，今年有五位经历佐千辛万苦既朋友，写佐五部几好既剧本，我们睇下系乜来。

边个系最佳编剧呢？竟然系特技部门，呢个世界最大的特技人叫做时间，因为佢系岁月既神偷——罗启锐！